De höchschti Punkt vom Lindeberg heisst Horbe ond ned Spitz,

wo s’Rindveeh sorgt für Alpeluft am alte Chloschtersitz.

Es Reschterant für höchschte Gnuss – d’Kapälle näbedra,

stoht s’Schloss mit Riss ond alterschwach – wett neui Bsitzer ha.

 

​Wenn d’Häxe hocked uf em Thron, wird’s mystisch Tag ond Nacht.

Mit Zauberei wird restauriert – viel Prunk zeigt eusi Macht.

Sett eus de da no zwenig sii, gönd mer au no of d’Pirsch,

ond schiessed eus im Horbewald es grosses Gweih vom Hirsch.